Friday 13 January 2012

Wo Jo Mera Kabhi Tha Hi Nahi-Real Love Story

.


love storyHi Friends…..
Mera Name Samaira Hai mai Dehradun Ki rahne wali hu aaj mai aapko mere Jivan ki ek Sachi Kahani Sunane Ja rahi hu. baat un dino ki hai Jab mai 12th Class me thi 2002 me, meri Mathematics hamesha se bahot weak hai, ghar ki arthik sthiti itni achi nahi thi ki mai kahi acha sa Tution le saku, mai ghar ki sabse badi santan hu mujhe chote 3 bhai bhi hai Papa Private employe wo jitna bhi karte the kam hi tha phir bhi mai man lagakar padhti rahi lekin maths ne mujhe hamesha pareshan kiya, unhi dino mere pados me ek family shift hui thi wo log Kashipur se aaye the
us Family me Parents aur Do Bhai Do bahen the, Bahne to Dono hi itni Proudi Ki kisi se bhi baat nahi karti thi lekin bhai dono ache the unme se chota bhai jiska name Shahzad the usne city ke hi ek college me Bsc Mathmatics me admission Le liya tha uski mere bhai se frndship ho gai, mere ghar aane jaane laga maine kabhi notice nahi kiya usko sirf ye sochti thi ki mere bhai ka frnd hai. ek din mere ghar me hi wo mere bhai ki mathematics ke sums solve karne me help kar raha tha maine aaj tak usse kabhi baat nahi ki thi uss din pahli baar apni weak mathmatics ke karan usse kuch sums solve karne me Help mangi usne itni achi tarah se mujhe solve karne me help ki mai bas use dekhti hi rah gayi, phir yu hua ki mathmatics ke karan meri bhi frndship Shahzad se ho gai, Ek din maine apni book me kuch question Mark kiye aur usko de diya ki ye sums mujhse solve nahi ho rahe tum plz isko solve karke mujhe de do, next day Jab meri book usne mujhe wapas ki to usme kuch tha maine dekhhne ki koshish ki to usne mana kar diya bola abhi nahi akeleme khol kar dekhna, mai chat per chali gayi lekin sardiyo ka mausam aur sabhi Log apni apni chato per virajman the mujhe utsukta ho rahi thi dekhne ki book me kya hai lekin akelapan hi nahi mil raha tha, akhir kaar mujhe raat me jab sab Log so gaye to book kholne ka mauka mila usme ek gulab ka phool aur ek letter tha mere liye, jaisa ki aap sab jante ho is umr me koi Ladka agar kisi Ladki ko Love letter lkhe to uska kya haal hota hai mera bhi wahi hua mujhe isse pahle kisi ne love letter nahi likha tha
dusre din usne mujhse pucha letter padha? mai sharm se laal ho gai aur wo mere kuch bole bina hi sab kuch samajh gaya. yaha se hamari frndship love me change ho gayi hum ek dusre ko bahot chahte the maine apni Life bahot abhav me guzari hai lekin usko pakar aisa laga jaise mujhe sab kuch mil gaya ab life me aur kuch nhi chahiye, hum ek dusre se phon per bhi baat karte, letters bhi likhte jise pahuchane ka kaam meri ek frnd karti thi aur kabhi kabhi bahar bhi milte lekin pyar tha ki badhta hi jaata tha, mujhe kya pata tha meri ye khushi bas kuch din ya fir yu kahiye bas kuch salo ki mehnman hai abhi 3 saal hue the hamare pyar ko jab uske father ka transfer kahi aur ho gaya, uske jaane se pura ek month pahle se mere to Ansu rukne ka naam nahi Lete the ye sochkar ki ab mai usse shayd kabhi nahi mil paugi, wo mujhe Dilasa deta rahta tha ki tum nahi aa sakti mujhse milne to kya main to aa sakta hu tumse milne aur wo akhri din Jab mai aur mera bhai usko aur uski family ko chhodne Railway Station gaye the mai tab tak usko dekhti rahi aur roti rahi jab tak train ankho se ojhal nahi ho gayi, mera bhai mere dil ka haal janta tha isliye wo bhi mere sath ro raha tha,.
Mussoorie jaane ke kuch din baad hi usne muhe phon kiya wo apni bekarario ka haal mujhe suna raha tha mere bina wo kitna akela feel kar raha hai, lekin next 6 months me hi uska attitude change hone laga uski bhi job lag gayi thi ab wo mujhse zyada baat nahi karta tha mai bhi jab use phon karthi to receive nahi kara baad me misscall dekhkar mujhe call back karta “sorry mai bussy tha main phir thodi derr baad tumse baat karunga” lekin uski thodi derr kabhi nahi hoti aur mai intezar karti rah jaati, 2 saal isi tarah guzar gaye kabhi feel hota wo mujhse pyar nahi karta mujhe bhi usko bhul jana chahiye, lekin jab kabhi uska koi call ya sms aata mai apne apko rok nahi pati aur dil ko samjhati ki nahi wo pyar karta hai mujhse serf apne kaam me busy hai isliye zyada response nahi deta, wo kahta to tha ki wo mujhse milne aayega lekin in do saalo me ek baar bhi nahi aaya, ghar me meri shadi ki baath chalne lagi rishte aane lage, upar wale ne kuch shakl o surat aisi di thi ki koi bhi rishta kabhi inkar nahi hota mai sabko pasand aa jati hu, lekin mere dil ka kya jo serf ek ko pasand kar chuka hai aur uske siva kisi ko sochna bhi nahi chahta, maine usko inform kiya ab mere gharwale meri shadi karna chahte hai tum plz apne gharwalo ko mera rishta lekar bhejo, Usne kaha ki uske gharwale iss shadi ke liye kabhi nahi manege kuki hm dono other cast ke hai, “abhi kuch din wait karlo mai thik se settle ho jaau fir gharwalo ke against jaker bhi tumse shadi kar lunga” lekin mere gharwalo ko rokna mushkil ho raha tha wo meri shadi jald se jald karna chahte the, maine usko force kiya ki shadi abhi nahi lekin atleast engagemnt ya serf rishta fix to kar lo jisse mere gharwale mujhe kahi aur shadi karne ko na bole, to usne kaha agar tumko shadi ki itni hi jaldi hai to kahi bhi apne parents ki marzi se shadi kar lu aur usko bhul jaau, mera us din usse bahot jhagda hua aur hamare beech 3 month tak koi baat nahi hui mai uski yaad me itna royi ki bimar pad gayi, lekin usko mujhpar tars nahi aaya, 3 months ke baad maine hi pahel ki aur uska no. dial kiya to no. change ho chuka tha, uska ek private no. jo mere paas tha maine jab wo dial kiya to usne receive kar liya phone mai boli hello shahzad! udhar se reply aaya sorry wrong no. yaha koi shahzad nahi rahta aur dobara kabhi iss no. per call mat karna, mai achi tarah pahchanti thi ye uski hi awaz thi lekin wo mujhe pahchan bhi nahi raha tha, maine bahot koshish ki uske usi no. per call karne ki, uske aage bahot roi, gidgidai, apni self respect ko kuchal dala ek aise pyar ke liye jiska koi wajud hi nahi tha lekin usko mujhper taras nahi ayya.


mere Papa ki tabiyath kharab ho jaane ke karan meri shadi ka program cance l kar diya aur Papa ki company me mujhe Job mil gayi, ussi office me mere sath ek couple bhi kaam karte tha jinki recently shadi hui thi aur ab honeymoon per jaane wale the couple me se ladki jiska naam anjuri hai ki dosti mujhse ho gayi maine ek din shahzaad ki photo anjuri ko dikhayi aur uske baare me sabkuch bata diya, wo dono apne honeymoon ke liye Mussoorie gaye the, waha unhone ek lover Point per ek ladke ko dekha jo ek ladki ke sath pyar kar raha tha, anjury ne mujhe phon kiya aur boli shahzad ka photo scan karke uske mobile per send karu maine 2 minute me sara kaam kar diya, usne photo ko uss ladke se match kiya aur confirm karke mujhe boli, Samaira tum jiski yaad me raat din Ansu Bahati ho wo Shahzad yaha kisi aur ki bahon me hai, mere pairo ke neeche se zameen nikal gayi mujhe vishwas nahi hua uski baat ka to anjuri boli thik hai proof ke liye hum dono ek group photo jisme anjuri uska pati shahzad aur uski GF hogi mere liye lekar aayegi, anjuri jo ki shahzad ko pahchanti thi lekin wo usko nahi pahchanta tha uske kareeb gayi aur boli “Excuse me sir you are seem the cutest couple of this point can we have a photograph” shahzad ki GF khush hokar boli SURE WE CAN HAVE, aur ek photo jisme wo charo the lekar aa gayi, photo dekhkar mere pairo ke neeche se zameen nikal gayi, bahot khush lag raha tha wo apni GF ke sath.
mere pas rone ke siva koi option na tha, ye baath sep 2009 ki hai, maine uss photo ko ek taraf dala aur apne ansu pochte hue kasam khayi ki ab kabhi Life me kisi se pyar nahi karugi, 2 saal maine khub mehnat ki privately apni study ko aage badhaya aur apne papa ki respponsbilities ko share karne lagi, kyuki mere bhai mujhse chote hai wo abhi padhai kar rahe hai, mere Papa kahte hai unko mujhpar garv hai, uparwala sabko Samaira jaisi beti de, mai abhi shahzad ko bhulne ki nakam koshish kar hi rahi thi ki Eid ke din means Aug 2011 achanak uski call aa gayi, maine uske intezar me apna no. nahi change kiya tha, wo mujhse maafi mang raha tha apne kiye per sharminda tha lekin main usko maaf nahi kar paa rahi hu, maine usse bola ki agar tum mujhse jhagda karte, mujhe galiya dete mai sabkuch bardasht kar leti lekin tumne to mujhe pahchanne se mana kar dia ye baat mai kabhi nahi bhul sakti mere itne Ansu jo uski yaad me bahe hai wo sare dukh jo maine sahe kya insabki bharpayi serf uski ek maafi se ho sakti hai? nahi maine usse pucha uski GF ka kya hua to bola tumko kaise maloom meri koi GF hai, maine anjuri ke photograph ki baat usko bata di lekin wo iss baat per sharminda nahi hua aur bola wo to bas entertainment hai pyar wo bahi bhi mujhse karta hai dosto mai aapse puchti hu kya mujhe shahzad ko maaf kar dena chahiye ya use bhul jana chahiye plz jawab zarur dena mai wait karugi..
———————————————————————————————————————————